شانۆ بەکر فەرەج، پێشکەشکاری ئاڤا
نامەوێت باسی تەکنیکی بەرهەمهێنان و ئەو وردەکارییانە بکەم کە بەرهەمهێنەرانی فیلمی کفن دەتوانن زۆر شانازی پێوە بکەن، چونکە کەسانی تایبەتمەند لەم بوارە شایەتی سەرکەوتنیان بۆ داوە، ئەوەی لەم نووسینەدا دەمەوێت لەسەری بووەستم؛ ناوەڕۆک و چیرۆک و پەیامی پشت فیلمەکەیە.
ئەوەی کفنی جوان کردووە هەڵبژاردنی بابەتێکە کە دەمێکە لەنێو کۆمەڵگەی کوردی باوە و سەدان خێزانیش گیرۆدەی ڕەشییەکانی بوون، لە کفندا بەڕوونی ئەو پەیامەم بینی کە بە خەڵک دەڵێت دووربکەونەوە لەو دیاردە ناشرینە، خۆت و خێزان و کۆمەڵگەش گیرۆدە دەکات.
لەبەرئەمەیە ناتوانی وەک فیلمێکی ئاسایی ڕاگوزەر دانیشیت سەیری کفن بکەیت، فیلمەکە لە دەستپێکدا تاوەکو کۆتایی هەڵگری پەیامێکە کە یەک ئامانجی هەیە، هۆشیارکردنەوەی کۆمەڵگە و چاکسازی و گۆڕینی بیرکردنەوەی خەڵک دەربارەی دیاردەیەکی ناشرینی مەترسیدار.
ئەوەی خاڵی سەرکەوتنی کفنە سادەییەکەیەتی لە گەیاندنی ئەو پەیامەی هەڵیگرتووە، چونکە دوای یەکەم نمایشی فیلمەکە بەڕوونی ئەو پەیامەم لە بینەرەکانی دەبیست و گوێم لێی دەبوو، ئەو یەکدەنگییەی دروستی کرد کە هەموو بینەرێک دوای بینینی فیلمەکە بڵێت: پێویستە هەموو کەس بێت و فیلمەکە ببینێت، بۆخۆی سەرکەوتنێکە کە خاوەنەکانی ئەم شاکارە سینەماییە دەتوانن شانازی پێوەبکەن.
ئەوەی ئەرکەکەشی گرانتر کردبوو هەڵبژاردنی ئەو ژانەرە بوو کە بۆ یەکەمجارە لە سینەمای کوردیدا دەستی بۆ ببرێت، بەڵام بە هەموو ماناکان توانییان لە یەکەمین ئەزمووندا ئامانج بپێکن و لە هەموو ڕووێکەوە پڕ و تێر بوو.
خاڵێکی دیکەی زۆر گرنگ کە هەم سەرسام و دڵخۆشی کردم، هەم پێموایە خاڵێکی بەهێزی سەرکەوتنی ئەم پرۆژە سینەمایە بوو، نواندنی ئاستبەرزی ئەکتەرەکان بەگشتی و سێ ئەکتەری سەرەکی فیلمەکە بوو بەتایبەتی، ئەوەندە واقیعی و جوان نواندن دەکەن بەتەواوی بۆ نێو چیرۆکی فیلمەکە ڕاتدەکێشن و بینەر لەڕێگای ئەوانەوە خۆی دەبێتە بەشێک لە چیرۆکەکە.
ڕۆڵی ئاڤا میدیا
ئاڤا کاتێک دێت و دەڵێت خەمی من گێڕانەوەی بەهایە بۆ هونەر و پاراستنی شیرازەی خێزان لە پێشینەی کارەکانمە، ڕەنگدانەوەی ئەم دروشمانە لە پاڵپشتیکردنی ئەم جۆرە پرۆژانەدا ڕەنگدەداتەوە.
بڕیاردانی ئاڤا بۆ هاوبەشیکردن لە بەرهەمهێنانی ئەم پرۆژە سینەماییەدا بەتەواوی یەکانگیرە لەگەڵ ئەو دروشمەیدا.
ئاڤا خەمی پاراستنی خێزانە، خەمی چاکسازی کۆمەڵایەتی و پیشاندان و کارکردنە بۆ گۆڕینی ناشرینییەکان، لەم فیلمە سینەماییەدا بەتەواوی ئەو ئامانجە ڕوونە ڕەنگی داوەتەوە و هەر بە بینی ئەم فیلمە بۆت دەردەکەوێت ئاڤا چی دەکات و پاڵپشتی چ جۆرێک لە پرۆژە دەکات.
دەشزانم ئەم نەریتە کە ئاڤا خەریکی بنیاتنانیەتی ڕێگە ڕاستەکەیە و وردەوردە میدیا و دەزگا ڕاگەیاندنەکانی دیکەش ناچار دەبن بێنە سەر ئەو ڕێچکەیە، چونکە فیدباکەکان پێمان دەڵێن خەڵک ئەوەی دەوێت کە ئێستا ئاڤا دەیکات.
زیاتر لەسەر ئەم بابەتانە بکۆڵەرەوە
نوێترین بیروڕا
بەڵگاندنی بەربژێران، لە دواندنی عەقڵەوە بۆ بزواندنی سۆز
11 ئەیلوول
گوتاری خودی (خۆدواندن)
9 ئەیلوول
ههنگاوێكى زێرین و چارهسهرى یهكجارهكى
8 ئەیلوول
لە دیداری سەرۆک بارزانیدا چیم بینی و چیم بیست؟
8 ئەیلوول
بڕیارەکان لە هەولێر یەکلادەبنەوە
8 ئەیلوول
گرنگیی فیلمی کفن لە پیشەسازیی سینەمای کوردیدا
7 ئەیلوول
بەهۆی هاوبەشیی هەواڵگرییەوە ئەمریکا و بەریتانیا لەپێشەوەن
7 ئەیلوول
دۆكترینی سهربازیی ئیسرائیل و جهنگ له ڕۆژههڵاتی ناوهڕاست
6 ئەیلوول
دۆستەکانی مام جەلال لە سلێمانی جێگایان نابێتەوە
6 ئەیلوول
گوێتان لە سەرۆکوەزیران بوو، چۆن تێیگەیشتن؟
5 ئەیلوول
- کوردستان
- 9 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 44 خولەک لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 50 خولەک لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 55 خولەک لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
- کوردستان
- 58 خولەک لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
- کوردستان
- 1 کاتژمێر لەمەوپێش
تەنیا لە ڕۆژێکدا 60 تۆن زبڵ و پاشماوە لە هەولێر کۆدەکرێتەوە