خوێدکارێک دوای مردنی دەبێتە خاوەنی بڕوانامەی دکتۆرا

ئاڤا نیوز

 

لە هەڵوێستێکی مرۆیی تەواو جیاوازدا له‌ كۆلێژى په‌روه‌رده‌ى زانكۆى واست، گفتوگۆى نامه‌ى دكتۆراى خانمە‌ خوێندكارێكى ئه‌و زانكۆیه‌ كرا كه‌ دوو هه‌فته‌ پێش مه‌راسیمەکەی گیانى له‌ده‌ستداوه‌.

 

چیرۆکی سەرەکی: ئیسرا موتەششەر، خوێندکاری دکتۆرا لەزانکۆی واست پێش دوو هەفتە لەمەوبەر لە ڕێگای خێرای نێوان هەردوو پارێزگای زیقار و واست تووشی ڕووداوێکی هاتوچۆ بوو و گیانی لەدەستدا، ڕۆژی 24-4-2025 وادەی بەڕێوەچوونی ڕێوڕەسمی تاوتوێی نامه‌ى دكتۆراکەی بوو چونکە پێشتر نامەکەی تەواو کردبوو و پیشکەشی زانکۆی کردبوو تەنیا تاوتوێکردنی مابوو.

 

ئه‌وه‌ی ڕوویدا:‌ سەرۆکایەتیی زانکۆکەی بڕیاریدا وەک وەفایەک و ڕێزێک بۆ ماندبوونی خوالێخشبوو ئیسرا، ڕێوڕەسمی تاوتوێی نامه‌ى دكتۆراکەی لەکاتی خۆی لە کۆلێژی پەروەردە بۆ زانستە مرۆییەکان بەشی زمانی عەرەبی بکرێت.

 

زانیاریی زیاتر:  لەکاتی بەڕێوەچوونی ڕێوڕەسمەکەدا، وێنەی ئیسرا له‌ شوێنى خۆى دانرابوو و لیژنه‌ی گفتوگۆش بە پلەی نایاب دکتۆراکەی ئیسرایان پەسەند کرد