ڕووسیا: پایتەختەكانی ئەوروپا دەكەینە ئامانج

ئاڤا نیوز

ئەمریكا مووشەكی دوورمەودای لە ئەڵمانیا جێگیركردووە، ڕووسیا زۆر نیگەرانە و دەڵێت، ئەمە هۆكاری ئەوەیە پایتەختەكانی ئەوروپا بكەنە ئامانج.

وێنە گەورەكە: سوپای ئەمریكا بە هاوكاری سوپای ئەڵمانیا، لە چەندین ناوچە مووشەكی دوورمەودای لە خاكی ئەو وڵاتە جێگیر كردووە، ئەم مووشەكانە كیشوەربڕن و توانایان هەیە بگەنە سەرتاسەری شارە گەورەكانی ڕووسیا، ئەمەش مۆسكۆی بەتەواوەتی نیگەران كردووە.

لێدوانی فەرمی: دیمیتری پێسكۆڤ، گوتەبێژی كۆشكی سەرۆكایەتیی ڕووسیا ناسراو بە كرێملین ڕایگەیاند: ”توانای پێویستمان هەیە بۆ كۆنترۆڵكردنی مووشەكەكان، لە ئەگەری هەر هێرشێكدا پایتەختەكانی ئەوروپا باجەكەی دەدەن".