ترەمپ هەڕەشەی ڕاگرتنی دانوستاندنەکانی کۆتاییهێنان بە جەنگی ڕووسیا و ئۆکراینا دەکات

جیهان
9 کاتژمێر لەمەوپێش

شەیری بکە لە:

ترەمپ هەڕەشەی ڕاگرتنی دانوستاندنەکانی کۆتاییهێنان بە جەنگی ڕووسیا و ئۆکراینا دەکات

دۆناڵد ترەمپ سەرۆکی ئەمریکا لە کاتی وەڵامدانەوەی پرسیاری ڕۆژنامەنووسان لە ئۆڤڵ ئۆفیس

ئاڤا نیوز

دۆناڵد ترەمپ، سەرۆکی ئەمریکا هەڕەشەی کشانەوە لە نێوەندگیریکردن لەنێوان ئۆکراینا و ڕووسیا بۆ ڕێککەوتی ئاشتی دەکات ئەگەر بێتوو "هیچ بەرەوپێشچوونێک لە گفتوگۆکان نەیەتە ئاراوە".

وێنە گەورەکە: جەنگی نێوان ڕووسیا و ئۆکراینا بەردەوامی هەیە و سەرەڕای کۆبوونەوە بەردەوامەکانی ئەمریکا لەگەڵ ڕووسیا و ئۆکراینا و دەوڵەتانی یەکێتی ئەوروپا بۆ کۆتاییهێنان بە جەنگی سێ ساڵەی نێوان هەردوو دەوڵەت، هەنگاوەکان لە لایەن مۆسکۆ و کیێڤەوە بە ئاراستەی بەردەوامیی جەنگە و دۆناڵد ترەمپ، سەرۆکی ئەمریکاش هەڕەشەی دەستبەرداربوون لە هەوڵەکانی بۆ ڕاگەیاندنی ئاگربەست دەکات بەوەی کۆتایی بە دانووستاندنەکان دەهێنێت.

لێدوانی فەرمی: دۆناڵد ترەمپ، سەرۆکی ئەمریکا سەبارەت بە دانووستاندنەکانی لەگەڵ ڕووسیا بۆ ڕاگەیاندنی ئاگربەست، لە کۆشکی سپی بە ڕۆژنامەنوسانی ڕایگەیاند: " هەر لایەن و کەسێک بیەوێت بەربەست بۆ ڕاگەیاندنی ئاگربەست و ڕێککەوتننامەی ئاشتی دروست بکات: گەمژەیە، ڕێگە نادەم هیچ وڵاتێک هەوڵەکانی ئێمە بۆ بەرژەوەندی خۆی بەکاربهێنێت بە تایبەت ڕووسیا، دەرفەتی گەورە هاتۆتە پێش و دەتوانین بە کاریبێنین بۆ ڕاگەیاندنی ئاشتی."

زانیاریی زیاتر: دۆناڵد ترەمپ، نیگەرانی خۆی لە مامەڵەی ڕووسیا و ئۆکراینا دەربڕی و دەڵێت، دەبێت مۆسکۆ و کیێڤ نیازی ڕاستەقینە بۆ کۆتاییهێنان بە جەنگ پیشان بدەن و لە ئەگەری بەردەوامیان لە قورسکردنی دۆخی جەنگ و زیادکردنی بەربەستەکانی بەردەم ڕاگەیاندنی ئاگربەست، ئەوا دەستبەرداری هەوڵەکانی لە پێناو کۆتاییهێنان بە جەنگ دەبێت و دانووستاندنەکان لەگەڵ ڕووسیا کۆتایی پێدەهێنێت.