لیستی مووچەی مانگی حەوت ئامادەکرا

ئاڤا نیوز

لەسەر ڕاسپاردەی ئەنجوومەنی وەزیران، وەزارەتی دارایی و ئابووری لیستی مووچەی مانگی 7ـی سەرجەم وەزارەتەکانی ئامادەکرد.

وێنە گەورەکە: ئەنجوومەنی وەزیرانی  هەرێمی کوردستان لە کۆبوونەوەی ڕۆژی 3-7-2024 دا سەرجەم وەزارەتەکانی ڕاسپارد لە 10 ڕۆژی  یەکەمی هەموو مانگێک  لیستی مووچە ئامادە بکەن، تاوەکو هیچ بیانوویەک بۆ بەغدا نەمێنێت ببێتە هۆی دواخستنی خەرجکردنی مووچە.

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوز ڕایگەیاند: لیستی مووچەی مانگی 7ـی سەرجەم وەزارەتەکان ئامادەیە بەمەبەستی ڕەوانەکردنی بۆ بەغدا.

ئەوەی پێویستە بیزانیت: ئەو هەنگاوەی حکومەت بەهۆی درەنگ خەرجکردنی مووچەی مانگانە دێت لەلایەن وەزارەتی دارایی عێراق، ئەگەر زووتر بنێردرێت کاتی تەواو لەبەردەست دەبێت بۆ وردبینیکردن یان جێبەجێکردنی هەر داواکارییەکی دیکە کە هەیبێت.