ئەردۆغان: سەرۆکوەزیرانی عێراق ڕۆڵی نێوەندگیر لەنێوان سووریا و تورکیا دەبینێت

ئاڤا نیوز

ڕەجب تەیب ئەردۆغان، سەرۆککۆماری تورکیا خواستی ئەوەی هەیە کە پەیوەندییەکانیان  لەگەڵ بەشار ئەسەد، سەرۆککۆمار سووریا هاوشێوەی ڕابردوو بێت.

 

وێنە گەورەکە: سەرۆککۆماری تورکیا باسی لە نزیکبوونەوەی پەیوەندییەکانی تورکیا و سوریا کرد  بۆ ئەمەش ڤلادمیر پووتینی سەرۆکی ڕووسیا بۆچوونی دەبێت  و محەممەد شیاع سوودانی، سەرۆکوەزیرانی عێراق بۆ ئەمە نێوەندگیری دەکات، دەشڵێت "ئێمە لە هەموو شوێنێک باسی نێوەندگیری دەکەین، بۆچی لەگەڵ درواسێکانمان باسی نەکەین".

 

لێدوانی فەرمی: ئەردۆغان لە کاتی گەڕانەوەی لە ئەڵمانیا بۆ ڕۆژنامەوانان قسەی کرد و گوتی: ئێمە لەگەڵ سووریا دوژمن نەبووینە، لەگەڵ ئەسەد بە خێزانی کۆدەبووینەوە، ئەسەد بانگهێشتی تورکیا دەکەین بۆ ئەوەی پەیوەندییەکانمان وەک ڕابردوو نزیک ببێتەوە.

 

ئەوەی پێویستە بیزانیت: هەینی ڕابردوو، ئەردۆغان بانگهێشتی پووتین و ئەسەدی بۆ تورکیا کرد، ئەو سەردانەشی بە "قۆناغێکی نوێی پەیوەندییەکان" ناوبرد.