شاندی هەرێمی کوردستان و کۆمپانیاکانی نەوت و گاز لەبارەی هەناردەکردنەوەی نەوت کۆبوونەوە

ئاڤا نیوز

 

شاندی دانوستانکاری حکومەتی هەرێمی کوردستان لەگەڵ کۆمپانیاکانی گواستنەوە و بەرهەمهێنانی نەوت و گاز کۆبووەوە و جەختی لە چارەسەری ڕیشەیی کێشەکان کردەوە.  

 

وێنە گەورەکە: ڕۆژی چوارشەممە 05-06-2024، شاندی دانوستانکاری حکومەتی هەرێمی کوردستان لەگەڵ کۆمپانیاکانی گواستنەوە و بەرهەمهێنانی نەوت و گاز کۆبوونەوە.

 

ڕاگەیێنراوی فەرمی: نیازی حکومەتی هەرێمی کوردستان بۆ چارەسەری ڕیشەیی جەختی لێکرایەوە و خواستی حکومەتی هەرێمی کوردستان بۆ هەرچی زوو دەستپێکردنەوەی هەناردەکردنی نەوتی هەرێمی کوردستان لەگەڵ نوێنەری کۆمپانیاکان خرایەڕوو، بە جۆرێک کە ئەم پرسە پێویستی بە ڕێگەچارەی هاوبەش و لێکتێگەیشتنی هاوبەشی هەموو لایەکە سەبارەت بە تێچووی بەرهەمهێنان و گواستنەوەی نەوت. 

 

زانیاریی زیاتر: لە کۆبوونەوەکەدا هەماهەنگی و کاری هاوبەشی لەنێوان حکومەتی هەرێمی کوردستان و کۆمپانیاکان بە پێویست زانرا لەپێناو دەستپێکردنەوەی هەناردەکردنەوەی نەوتی هەرێمی کوردستان کە کاریگەریی زۆری دەبێت لەسەر  بووژاندنەوەی ئابووریی هەرێمی کوردستان و عێراق.