سەرۆکوەزیران بارزانی لەگەڵ بەرپرسانی ئیداریی سۆران کۆدەبێتەوە

ئاڤا نیوز

 

سەرۆکوەزیران بارزانی بە سەردانێک گەیشتە ئیدارەی سەربەخۆی سۆران و لەگەڵ بەرپرسانی ئیداریی سۆران لە کۆبوونەوەدایە، بڕیارە پاش کەمێکی دیکە بەردی بنا‌غەی چەند پڕۆژەیەک دابنێت. 

 

وێنە گەورەکە: سەرۆکوەزیران بارزانی بەردی بناغەی چوار  لە سەردانەکەی بۆ سۆران پڕۆژەیەکی گەورە بە گوژمەی 140 ملیار دینار لە سەنتەری قەزای ناوەندیی سۆران دادەنێت و پڕۆژەیەکی گەشتیاریش لە قەزای ڕواندز دەکاتەوە، بڕیارە لە ئایندەیەکی نزیک بەردی بناغەی چەند پڕۆژەیەکی دیکەش لە سنوورەکە دابنرێت.

 

باباتی ستراتیژی: ئەو چوار پڕۆژەیەی ئەمڕۆ سەرۆکوەزیران بارزانی بەردی بناغەیان دادەنێت پێکهاتوون لە: 

شەقامی 40 مەتری کە مەوداکەی دوو کیلۆمەتر و نیوە، قەزاکانی مێرگەسۆر و سیدەکان بە سۆران دەبەستێتەوە.

ئۆڤەرپاسی دەروازەی سۆران: جەنجاڵی ڕێگەی سەرەکیی سۆران ــ هەولێر کەمدەکاتەوە لە ماوەی یەک ساڵ و نیودا تەواو دەبێت.

هەردوو پارکی نیشتمانی و ناوشار لە ماوەی سێ ساڵدا تەواو دەبن، گوژمەکەیان 40 ملیار دینارە، هۆکارێکی بەهێز دەبن بۆ زیادکردنی ڕێژەی سەوزایی لە ناوچەکە.

 

لەلایەکی دیکەوە: لە چوارچێوەی سەردانەکەی سەرۆکوەزیران بارزانی پڕۆژەی ئەکوا پارکی شنگلبانە دەکاتەوە، کە بە گوژمەی 10 ملیۆن دۆلار لەسەر ڕووبەری 10 دۆنم زەوی دروستکراوە.