ئەلمۆنیتێر: مەزڵوم عەبدی سەردانی سەرۆک بارزانی دەکات

ئاڤا نیوز

 

بۆ گفتوگۆکردن لەسەر دۆخی سووریا و ناوچەکە، سەرۆک بارزانی لەگەڵ مەزڵوم عەبدی، فەرماندەی هێزەکانی سووریای دیموکرات و ژمارەیەك سەركردەكەی کورد كۆدەبێتەوە.

 

وێنە گەورەکە: گرژییەکانی ناوچەکە پێویستی بە یەکگرتووی کورد و بڕیارێکی دروستە کە کورد لەم نێوەندەدا زەرەرمەند نەبێت و بشتوانرێت گرەنتی مافەکانی لە داهاتووی سووریا بکات.

 

زانیاریی بەدەستهاتوو: بەگوێرەی سێ سەرچاوەی فەرمی کە نەیانویستووە ناوەکەنیان ئاشکرا بکرێت بە پێگەی ئەلمۆنیتەری ئەمریکیان ڕاگەیاندووە، بەمزووانە کۆبوونەوەی سەرۆک بارزانی و مەزڵوم عەبدی، فەرماندەی هێزەکانی سووریای دیموکرات (هەسەدە) و سەركردەكانی  کورد لە بارەگای بارزانی ئەنجام دەدرێت.

 

زانیاریی زیاتر: کۆبوونەوەکە پێشکەوتنێکی گەورە دەبێت لە هەوڵەکانی ئیدارەی بایدن بۆ کەمکردنەوەی گرژییەکانی ناوچەکە و بەشێکە لە هەوڵە بەرفراوانەکانی ئەمریکا بۆ ڕاگەیاندنی ئاگربەست لەنێوان تورکیا و هێزەکانی سوریای دیموکرات (هەسەدە).