زرێپۆشێکی ئیسرائیل پێنج سەربازی خۆیان دەکوژێت

ئاڤا نیوز

زرێپۆشێکی سوپای ئیسرائیل بە هەڵە تەقە لە سەربازانی خۆیان دەکات، لە ئەنجامدا پێنج سەرباز دەکوژرێن.

وێنە گەورەکە: هێزێکی زۆری سوپای ئیسرائیل لە کەرتی غەززە جێگیر کراوە. لە ناوچەی جەبالیا، لە باکووری غەززە، زرێپۆشێکی ئیسرائیل بە هەڵە سەربازانی خۆیان دەکاتە ئامانج.

زانیاریی زیاتر: لەم ڕووداوەدا پێنج سەرباز کوژران و حەوت سەربازی دیکەش بریندار بوون، کە برینی سیانیان سەختە و دۆخی تەندرووستییان ناجێگیرە.

باکگراوند: چەند مانگێک پێشتر سوپای ئیسرائیل ڕایگەیاند، سێ بارمەتەی ئیسرائیلییان کە ئاڵای سپییان هەڵکردبوو داوەتە بەر دەستڕێژی گوللە و کوشتوویانن.