بەڕێوەبەری گشتیی کاروباری دڵنیایی: دەمانەوێت کەرتی دڵنیایی بەرەوپێشەوە ببەین

ئاڤا نیوز

 

بەڕێوەبەری گشتیی کاروباری دڵنیایی لە وەزارەتی دارایی ڕایگەیاند، دڵنیایی لە هەرێمی کوردستان زۆر زیندووە، بەڵام تاوەکو ئێستا خەڵک پێی ئاشنا نییە، لەکاتێکدا کەرتێکی زۆر گرنگە.

 

بۆچی گرنگە؟ کەرتی دڵنیایی دەبێتە هۆی بوونیادنانی ئابوورییەکی بەهێز بۆ هەرێمی كوردستان، پشتیوانی و مسۆگەرکردنی قەرەبووکردنەوەی هەر زیانێک کە بەر جموجۆڵی بازرگانی، وەبەرهێنان و بەرهەمهێنان لە هەرێمی کوردستان دەکەوێت.

 

لێدوانی فەرمی: جەمیل ئەبوبەکر، بەڕێوەبەری گشتیی کاروباری دڵنیایی لە وەزارەتی دارایی لە چاوپێکەوتنێکدا لەگەڵ ئاڤا نیوز ڕایگەیاند: "یەکەم کۆنفرانسی دڵنیاییە لە هەرێمی کوردستان و دەیکەنە نەریتێکی ساڵانە، چونکە کەرتێکی گرنگە و لە هەموو جیهان هەیە".