نزیکەی 300 هەزار ئۆتۆمبێل و پڕۆژە لە کوردستان دڵنیاییان هەیە

ئاڤا نیوز

 

وەزارەتی دارایی حکومەتی هەرێمی کوردستان، بە بەشداریی 30 کۆنسوڵ و نێردەی دیپلۆماسی یەکەمین کۆنفڕانسی دڵنیایی لە هەرێمی کوردستان ساز کرد.

 

بۆچی گرنگە: لە هەرێمی کوردستان چەندین کۆمپانیای مۆڵەتپێدراو هەن کە بە سەرمایەیەکی زۆرەوە لە بواری دڵنیاییدا کاردەکەن و دەبێتە هۆی بوونیادنانی ئابوورییەکی بەهێز بۆ هەرێمی كوردستان.

 

لێدوانی فەرمی: ئاوات شێخ جەناب، وەزیری دارایی گوتی: "لە هەرێمی کوردستان نزیکەی 300 هەزار کەس ئۆتۆمبێل و پڕۆژەکانیان لە کەرتی دڵنیایی تۆمار کردووە". .

 

ژمارەکان وادەڵێن:  لە هەرێمی کوردستان هەشت کۆمپانیای دڵنیایی خۆماڵی، لقی شەش کۆمپانیای دڵنیایی عێراقی کەرتی تایبەت و هاوکات دوو کۆمپانیای نیشتمانیی عێراقی لقیان لە هەرێمی کوردستان هەیە.