سەرۆکایەتیی هەرێمی کوردستان: پێویستە لە ڕێگەی دیالۆگ کێشەکانی نێوان هەولێر و بەغدا چارەسەر بکرێت

ئاڤا نیوز

 

شەوی ڕابردوو کۆبوونەوەی هاوپەیمانی ئیدارەی دەوڵەت بە بەشداری سەرۆکی هەرێمی کوردستان لە بەغدا بەڕێوەچوو، جەخت لە دابینکردنی له‌ ماف و شايسته‌ ياسایى و ده‌ستوورييه‌كانى هه‌رێمى كوردستان کرایەوە.

 

وێنە گەورەکە: هاوپەیمانی ئیدارەی دەوڵەت کە هەموو لایەنە پێکهێنەرەکانی حکومەتی عێراق لەخۆدەگرێت، بە بەشداریی نێچیرڤان بارزانی و بافڵ تاڵەبانی لە بەغدا کۆبووەوە، یەکێک لە تەوەرەکانی کۆبوونەوەکە تاوتوێکردنی کێشەکانی هەولێر و بەغدا بوو بەتایبەت پرسی مووچە.

 

ڕاگەیێنراوی فەرمی: بەگوێرەی ڕاگەیێنراوی فەرمی سەرۆکایەتی هەرێمی کوردستان، نێچیرڤان بارزانی سەرۆکی هەرێمی کوردستان تیشکی خستووەتە سەر چەند خاڵێک:-

ــ جەخت لە دابینکردنی له‌ ماف و شايسته‌ ياسایى و ده‌ستوورييه‌كانى هه‌رێمى كوردستان دەکەینەوە.

ــ ستايشى ڕۆڵى سوودانى سەرۆکوەزیرانی عێراقی كرد كه‌ له‌ ماوه‌ى ساڵى ڕابردوودا كارى كردووه‌ بۆ لێکتێگەیشتنی هه‌ولێر ـ به‌غدا و هيواى خواست هه‌موو پرسه‌كان به‌ گفتوگۆ، چاره‌سه‌ر بكرێن‌.

ــ له‌ كۆبوونه‌وه‌نه‌كه‌دا، جەختیش کرايه‌وه‌ کە هیچ هەڵوێستێکی سیاسی لە پرسی مووچەی فەرمانبەرانی هەرێمی کوردستاندا نييه‌، جگە لە پرسە تەکنیکییەکان، ئه‌وه‌ش دەکرێت لە ڕێگەی دیالۆگ و لێکتێگەیشتن چارەسەری بۆ بدۆزرێتەوە.

 

بەتەنیشت ئەم بابەتەوە: سەردانەکەی سەرۆکی هەرێمی کوردستان بۆ بەغدا تەواو نەبووە و بڕیارە ئەمڕۆ دووشەممە لەگەڵ چوار سەرۆکایەتییەکەی عێراق و سەرکردەی لایەنە سیاسییەکان کۆدەبێتەوە.