زانیاریی نوێ لەبارەی هەناردەی بەنزین بەنرخی پاڵپشتیکراو بۆ هەرێمی کوردستان

ئاڤا نیوز

 

ئەم هەفتەیە هەنگاوەکان بۆ دەستپێکردنەوەی بەنزینی حکومی بەنرخی پاڵپشتیکراو بۆ هەرێمی کوردستان خێراتر دەکرێت و ئامانجەکە ئەوەیە پێش مانگی دوو یەکەم کاروانی بەنزین لە بەغداوە بگاتە هەرێمی کوردستان.

 

وێنە گەورەکە: هەرێمی کوردستان پشکی لە بەرهەمی نەوت و وزەی عێراقدا هەیە و بەپێی ڕێککەوتنی پێشتری نێوان وەزارەتی سامانە سروشتییەکانی کوردستان و وەزارەتی نەوتی عێراق، دەبێت حکومەتی فیدراڵی ڕۆژانە زیاتر لە 360 هەزار لیتر بەنزین بۆ هەرێمی کوردستان بنێرێت، بەڵام ساڵێک و دوو مانگە ناردنی بەنزینی حکومی لە عێراقەوە بۆ هەرێمی کوردستان بە نرخی پاڵپشتیکراو ڕاگیراوە.

 

لێدوانی فەرمی: د. سەباح سوبحی، ئەندامی لیژنەی نەوت و وزە لە پەرلەمانی عێراق بە ئاڤا میدیای ڕاگەیاند، "لەم هەفتەیە ئەو بابەتە لە وەزارەتی نەوتی عێراق یەکلایی دەبێتەوە و چەند ڕێکارێکی کەمی هونەری بۆ دەستپێکردنی پرۆسەکە دەمێنێت."

 

هۆکارە زانراوەکان: بڕی ئەو بەنزینەی ئەمساڵ لەلایەن حکومەتی فیدراڵی بۆ هەرێمی کوردستان دەنێردرێت بۆ نیوە کەمکراوەتەوە، بەهۆی دروستبوونی قەیرانی بەنزین لە عێراق و هەفتەی ڕابردوو پاڵاوگەی بەسرە بەتەواوەتی وەستا.