ڤیان سەبری: گفتوگۆکانی نێوان حکومەتی ھەرێمی کوردستان و عێراق ئەرێنین

ئاڤا نیوز

 

سەرۆکی فراکسیۆنی پارتی لە ئەنجوومەنی نوێنەرانی عێراق ڕایدەگەیێنێت، نیەتی باش ھەیە بۆ ئەوەی کێشەکانی نێوان حکومەتەکانی هەرێمی کوردستان و بەغدا چارەسەر بکرێن.

 

لێدوانی فەرمی: ڤیان سەبری، سەرۆکی فراکسیۆنی پارتی لە ئەنجوومەنی نوێنەرانی عێراق بە ئاڤا نیوزی گوت: "لێکتێگەیشتنی باش لەسەر بودجە و مووچە ھەیە، ھەردوو حکومەت ھەوڵ دەدەن ھەنگاو بنێن بۆ ئەوەی بگەنە ڕێککەوتن، کێشەکانیش زیاتر تەکنیکین".

 

زانیاریی زیاتر: لەبارەی دواکەوتنی ناردنی مووچە لەلایەن بەغداوە، سەرۆکی فراکسیۆنی پارتی ڕایگەیاند، ناکرێت ھەموو مانگێک بۆ مووچە وەزارەتی دارایی عێراق کێشەی تەکنیکی دروست بکات، پێویستە کۆتایی بەو کێشانە بێت و چیدی گرفت دروست نەکرێت.

 

ئەمەش بزانە: بڕیارە لە 09-05-2024، پشووی یاسادانان دەست پێ بکات و ئەگەر خشتەی بودجە لەلایەن حکومەتەوە بۆ ھەموارکردنەوە بگاتە ئەنجوومەنی نوێنەران، کاتەکەی درێژ دەکرێتەوە.