گەشتوگوزاری زاخۆ: شوێنە گەشتیارییەكان بۆ جەژن ئامادە دەبن

ئاڤا نیوز

 

لە ڕۆژانی جەژنی ڕەمەزاندا خواردنگە، شوێنە گەشتیاری و گشتییەكان کراوە دەبن و گەشتوگوزاری زاخۆ دەڵێت، ئامادەکاریی تەواویان کردووە. 

 

لێدوانی فەرمی: چیا ئەمین، بەڕێوەبەری گشتیی گەشتوگوزاری ئیدارەی زاخۆ ڕایگەیاند: "ئامادەكاری تەواوەتیمان كردووە بۆ پێشوازیكردن لە گەشتیارانی سنوورەکەمان لە ڕۆژانی جەژندا". 

 

زانیاریی زیاتر: ئەو شوێنە گەشتیارییانەی بەهۆی بارانبارینەوە زیانیان پێگەیشت بوو، قەرەبوو كراونەتەوە و بۆ جەژن ئامادە دەبن و دەتوانن پێشوازی لە گەشتیاران بکەن.

 

ئەوەی پێویستە بیزانیت: لە سنووری ئیدارەی زاخۆ 700 كەپر و شوێنی گەشتیاری بەهۆی بارانبارینەوە زیانیان پێگەیشت و لەسەر فەرمانی سەرۆکوەزیران بارزانی قەرەبووکرانەوە.