لە هەولێر هیچ لایەنێک لیستی بەربژێرانی لە کۆمیسیۆن تۆمار نەکردووە

ئاڤا نیوز

 

هەرچەندە کەمتر لە 30 کاتژمێر بۆ تۆمارکردنی لیستی بەربژێران ماوە، بەڵام هیچ لایەنێک لیستەکەی لە بازنەی هەولێر پێشکەشی کۆمیسیۆن نەکردووە.

 

وێنە گەورەکە: دوای ناڕەزایەتیی پارتی لە شێوازی هەڵبژاردن، لایەنەکان بۆ پێشکەشکردنی لیستی بەربژێرەکانیان سارد بوونەتەوە و تاوەکو ئێستا هیچ لایەنێک لە هەولێر لیستەکەی تۆمار نەکردووە.

 

زانیاریی تایبەت: ئاڤا نیوز زانیویەتی کە تاوەکو ئێستا تەنیا یەک لایەنی تورکمانی لیستی بەربژێرانی پێشکەش کردووە، بەڵام هەموو ڕێکارەکانی تەواو نەکردووە و کەموکوڕی هەیە.

 

ئەوەش بزانە: هەر لایەنێک لە بازنەی هەولێر بەشدار بێت، پێویستە لیستی بەربژێرانی پێشکەشی ئۆفیسی هەولێری کۆمیسیۆن بکات. 

 

زانیاریی زیاتر: لە ئۆفیسەکانی دهۆک و سلێمانی، دوو هاوپەیمانی و دوو حیزب ناوی بەربژێرانیان پێشکەشی کۆمیسیۆن کردووە، هەروەها 37 بەربژێری سەربەخۆ لە هەر چوار بازنەکە ناوی خۆیان تۆمار کردووە.