ڕووسیا 12 ژێر دەریایی ئەتۆمی دەنێرێتە سنووری ئەمریكا

ئاڤا نیوز

فەرماندەی فەرماندەیی باکووری سوپای ئەمریکا، هۆشداری دەدات کە ڕووسیا ژێر دەریایی ئەتۆمی دەنێرێتە سنوورە ئاوییەکانی ئەمریکای باکوور.

لێدوانی فەرمی: گریگۆری گیلۆت، فەرماندەی فەرماندەیی باکووری سوپای ئەمریکا ڕایگەیاند: ژێر دەریاییە ئەتۆمییەکانی ڕووسیا لە جۆری "سیڤیرۆدڤینسک" بوونەتە هەڕەشەیەکی بەردەوام بۆ ژێَرخانی زۆرینەی ئەمریکای باکوور.

زانیاریی زیاتر: ڕووسیا پلانی ئەوەی هەیە 12 ژێر دەریایی ئەتۆمی لە جۆری "سیڤیرۆدڤینسک" بخاتە خزمەتی سەربازییەوە و لە هەردوو زەریای ئەتڵەسی و هێمن بڵاویان بکاتەوە، ئەو پلانەش ڕێگە بە هێزی دەریایی ڕووسیا دەدات ببێتە هەڕەشەیەکی بەردەوام بۆ ژێرخانی زۆرینەی ئەمریکای باکوور.

ئەوەی پێویستە بیزانیت: فەرماندەی فەرماندەیی باکووری سوپای ئەمریکا ئەم هەڕەشە نوێیەی ڕووسیای لەبەردەم کۆنگرێسی وڵاتەکەی باس کردووە و گوتویەتی "ئەو هەڕەشەیە لەکاتێکی نزیکی ئەم دەیەیەدا زیاتر جددی دەبێت کاتێک ئەو ژێر دەریاییە ئەتۆمیانەی ڕووسیا بە مووشەکی "زرکۆن" چەکدار دەکرێن کە خێراییەکەی لە خێرایی دەنگ زیاترە".

 

وێنە گەورەکە: ئەمریکا و ڕووسیا دوو وڵاتی زلهێزن لەڕووی سەربازییەوە، بەردەوام پێشبڕکێی چەک و تەکنەلۆجی لەنێوانیان هەیە هەردووکیشیان خاوەن گەورەترین جبەخانەی چەکن بەتایبەت چەکی ئەتۆمی.

باکگراوند: بەگوتەی بەرپرسانی سەربازی و هەواڵگری ئەمریکا، ڕووسیا خاوەنی گەورەترین جبەخانەی ئەتۆمیی ستراتیژی و نا ستراتیژییە لە جیهان.