بانکێکی عێراقی بەشداری لە پرۆژەی 'هەژماری من' دەکات

ئاڤا نیوز

 

بانکی ئیسلامیی عێراقی دەبێتە یەکێکی دیکە لەو بانکانەی کە بەشداری لە پرۆژەی 'هەژماری من'ـدا دەکات.

 

وێنە گەورەکە: بانکە بەشداربووەکانی دیکە بریتین لە بانکەکانی (RT, BBAC, Cihan, NBI) و پێشبینی دەکرێت تاوەکو کۆتایی ئەم مانگە، بانکە گەورەکانی دیکەش بەشداری لە پرۆژەکەدا بکەن.

 

ڕاگەیێنراوی فەرمی: "دوای بەشداریکردنی بانکی ئیسلامیی عێراقی، حکومەتی هەرێمی کوردستان پێشبینی هاوبەشی لەگەڵ بانکە بەشداربووەکان فراوانتر دەکات، چاوەڕێش دەکرێت لە ساڵی داهاتووەوە شێوازی پارەدانی دیجیتاڵی دەستەبەر بکرێت". حکومەتی هەرێمی کوردستان ڕایگەیاندووە. 

 

زانیاریی زیاتر: تاوەکو ئێستا زیاتر لە 240 هەزار هەژماری بانکی بۆ مووچەخۆران دروستکراون و زیاتر لە 120 هەزار کارتی بانکیش دابەشکراون. 

 

لەلایەکی دیکەوە: پرۆسەی تۆمارکردنی مووچەخۆران لە سەرانسەری هەرێمی کوردستان بەردەوامە و ئامانجی حکومەتیش ئەوەیە تاوەکو کۆتایی ئەمساڵ زیاتر لە یەک ملیۆن مووچەخۆر تۆمار بکرێن.