دوای بەدواداچوونی ئاڤا کێشەی کارەبای گەڕەکێکی هەولێر چارەسەر دەکرێت

ئاڤا نیوز

 

چەند ڕۆژێکە گەڕەکی کانی لە هەولێر کێشەی کارەبای نیشتمانی هەیە، بەڕێوەبەری دابەشکردنی کارەبای هەولێر- یەک لەوبارەیەوە دەڵێت، "کێشەکەمان دۆزیەوە و چارەسەری دەکەین".

 

بابەتی سەرەکی: دانیشتووانی گەڕەکی کانی لە هەولێر زیاتر لە سێ ڕۆژە کارەبایان نییە، داوایان لە ئاڤا کرد بەدواداچوون بۆ کێشەکەیان بکات.

 

لێدوانی فەرمی: تاڤگە عومەر، بەڕێوەبەری دابەشکردنی کارەبای هەولێر - یەک بە ئاڤا میدیای ڕاگەیاند: توانیمان ئەمڕۆ کێشەکە بدۆزینەوە، ئەویش گرفتێکی تەکنیکییە لە فیدەرێکی ژێر زەوی، بۆیە کارەبای فیدەرەکەمان بۆسەر فیدەرێکی دیکە بەشێوەیەکی کاتی گواستەوە.

 

زانیاریی زیاتر: سێ کاتژمێر بۆ چارەسەرکردنی  کێشەکە پێویستە، دواتر کارەباکە جارێکی دیکە دەگوازرێتەوە بۆ فیدەری سەرەکی.

 

ئەوەی پێویستە بیزانیت: ئێستا گەڕەکی کانی بەشێوەیەکی کاتی کارەبای نیشتمانی هەیە، دوای چاککردنی ئەو فیدەری تێکچووە، دۆخی کارەبا لەو گەڕەکە ئاسایی دەبێتەوە.