ترەمپ بەهۆی کوڕەکەی ئیلۆن مەسک مێزە مێژووییەکەی کۆشکی سپی دەگۆڕێت

ئاڤا نیوز

 

بۆ دووەم جار لە مێژوودا، کوڕەکەی ئیلۆن مەسک دەبێتە هۆکاری گۆڕینی مێزی سەرەکی نووسینگەی سەرۆک لە کۆشکی سپی. 

 

چیرۆکی سەرەکی: دوای ئەوەی هەفتەی ڕابردوو ئیلۆن مەسک و کوڕەکەی لە نووسینگەی سەرۆک لە کۆشکی سپی لەگەڵ دۆناڵد ترەمپ سەرۆکی ئەمریکا دەرکەوتن، کوڕەکەی بەردەوام دەستی لە لووتیدا بوو و چەند جارێک دەستی دەکرد بە لووتیا، شتی لە لووتی دەردەهێنا (چڵم) دەیخستە سەر مێزەکەی سەرۆکی ئەمریکا یان بە مێزەکەی دەسڕی.

 

ڕاگەیێنراوی فەرمی: دوای ئەو هەڵسوکەوتەی کوڕەکەی مەسک، دۆناڵد ترەمپ فەرمانی بە تیمەکەی کردووە مێزەکە لاببرێت و نۆژەن بکرێتەوە، بەهۆیەوە ترەمپ لە تۆڕە کۆمەڵایەتی تروز سۆشیاڵ ڕایگەیاند، "مێزەکە بۆ ماوەیەکی کاتی دەگۆڕدرێت بۆ مێزێکی دیکە".

 

زانیاریی زیاتر: بەم بڕیارەی ترەمپ، دەبێتە دوومجار کە مێزەکە لە کۆشکی سپی و بەتایبەتی لە نووسینگەی سەرۆکی ئەمریکادا لاببرێت؛ یەکەمیان دوای تیرۆرکردنی جۆن کێنێدی سەرۆکی ئەمریکا بوو لە ساڵی 1963.

 

باکگراوند: ئەم مێزە مێزی رێزەلوت، کە مێزێکی دانسقەیە، ساڵی 1880 شاژنە ڤیکتۆریای بەریتانیا وەک دیاری بەخشییە ڕێزەرفۆرد بیرکێرد ھایس، 19ــەمین سەرۆکی ئەمریکا.