سەرۆکوەزیران مەسرور بارزانی گەورەترین پێشانگای نێودەوڵەتیی پزیشکی لە هەولێر دەکاتەوە

 

ئاڤا نیوز

ئەمڕۆ چوارشەممە 2025-02-05، سەرۆکوەزیران مەسرور بارزانی پێشانگای مێدیکۆی لە هەولێر کردەوە، کە بە گەورەترین پشانگای پزیشکی دادەنرێت.

وێنە گەورەکە: بە درووشمی "داهاتووی تەندروستیی ببینە" پێشانگای میدیکۆ لە هەولێر دەکرێتەوە، 150 کۆمپانیای ناوخۆیی و نێودەوڵەتیی تەندروستیی بەشدارن، بۆ ماوەی چوار ڕۆژ بەردەوام دەبێت، لەگەڵ ئەوەش 20 وڵاتی جیاواز لە دروستکردنی دەرمان بەشدارن، بۆیەکەمجار ڕۆبۆت و زیرەکیی دەستکرد لەو پێشانگایە بەردەست دەبێت، هاوکات زیاتر لە هەزار هەلی کار دەڕەخسێنێت و پێشبینی دەکرێت نزیکەی 30 هەزار کەس سەردانی پێشنگاکە بکەن، ئەمە یەکەمین پێشانگایە لە هەرێمی کوردستان و عێراق لەو بوارە لە پارێزگای هەولێر بکرێتەوە.

زانیاریی زیاتر: لە پێشانگاکە ژمارەیەک پانێڵ و کۆنفڕانس و سیمنیار لە بواری تەندروستیی دەکرێت و ئاڵوگۆری زانیاریی دەکرێت، کۆمپانیا گەورەکان دەرمانەکانیان نمایشدەکەن.

ئەوەی پێویستە بیزانیت: کابینەی نۆیەمی حکومەتی هەرێمی کوردستان گرنگی تایبەتی بە کەرتی تەندروستیی و پێشکەوتنی بواری پزیشکی داوە، تاوەکو هاووڵاتیان بۆچارەسەری پزیشکی پێویستییان بە دەرەوەی وڵات نەبێت، لەناوخۆی وڵات چارەسەری پێویست وەربگرن.