خانمی یەکەمی سووریا کێیە کە لە سعودیە بۆ یەکەم جار دەرکەوت؟

 

ئاڤا نیوز

لەتیفە دروبی، هاوسەری ئەحمەد شەرع, سەرۆککۆماری نوێی سووریا، بۆ یەکەمجار بە شێوەیەکی فەرمی لە میدیاکانەوە دەرکەوت.

وێنە گەورەکە: لە دوای کەوتنی دەسەڵاتی بەشار ئەسەد و دەستبەکاربوونی ئەحمەد شەرع، وەک سەرۆککۆماری نوێی سووریا، لە یەکەم گەشتیدا بۆ بەجێگەیاندنی عومرە لەگەڵ هاوسەرەکەی دەرکەوت کە ئەمە یەکەمجارە هاوسەری ئەحمەد شەرع لە چاوی میدیاکانەوە ببینرێت.

زانیاری زیاتر: لەتیفە دروبی، لەدایکبووی یەکێک لە گوندەکانی سەر بە شاری حمسە لە سووریا، خاوەنی بڕوانامەی ماستەرە لە زمان و ئەدەبی عەرەبیی، لەتیفە لەدوای هاوسەرگیریی لەگەڵ ئەحمەد شەرع، بوونەتە خاوەنی سێ کوڕ و ناسناوەکەی گۆڕاوە بۆ لەتیفە شەرع.

ئەمەش بزانە: هەر ڕۆژێک دوای ئەوەی لەتیفە دروبی لە عومرە وێنەی بڵاو بووەوە دوابەداوی ئەوە و لە میانی سەردانەکەی ئەحمەد شەرع بۆ تورکیا بە شێوەیەکی فەرمی لە وێنەیەکدا لەگەڵ ئامینە ئەردۆغان، هاوسەری ڕەجەب تەیب ئەردۆغان، سەرۆک کۆماری تورکیا دەرکەوت.

باکگراوند: پێش چەند ڕۆژێک ئەحمەد شەرع لە میانەی کۆبوونەوەی لەگەڵ کۆمەڵێک خانمی سووری نیشتەجێی ئەمریکا رایگەیاندبوو، ئەوەی لە بەشێک لە میدیاکانەوە لەبارەی ژیانی هاوسەرییەوە دەورترێت دوورە لە ڕاستی و ڕایگەیاند: من یەک هاوسەرم هەیە و زۆرم خۆشدەوێت.