لە ئەمریکا هێلیکۆپتەرێکی سەربازی و فڕۆکەیەکی مەدەنی پێکیاندادا و چەند کەسێک گیانیان لەدەستدا

ئاڤا نیوز

لە ئەنجامی پێکدادانی نێوان هێلیکۆپتەرێکی سەربازی و فڕۆکەیەکی مەدەنی لە فڕۆکەخانەی ڕیگان، چەند کەسێک گیانیان لەدەستدا و فڕۆکەخانەکەش بەڕووی گەشتەکان داخرا.

چیرۆکی سەرەکی: لەنزیک فڕۆکەخانەی ڕیگان و رووباری بۆتۆماک کە دەکەوێتە نزیک واشنتن، هێلیکۆپتەرێکی سەربازی و فڕۆکەیەکی مەدەنی خۆیان بەیەکدا کێشا، هێلیکۆپتەرەکە چوار کەس و فڕۆکەکەش 60 کەسی تێدابووە، تائێستاش ئاماری فەرمی قوربانییەکان ڕانەگەیێنراوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ئاگاداری ڕووداوەکەیە و دوای لێکۆڵینەوەکان زانیاری بۆ ڕایگشتی دەخاتەڕوو. بۆ ئەوانەشی گیانیان لەدەستداوە ترەمپ سەرەخۆشی خۆی ئاڕاستەی کەسوکاریان کرد.

زانیاریی زیاتر: سوپای ئەمریکا بڵاویکردەوە، هێلیکۆپتەرەکە لە جۆری تراز ئو ئێچ 60 بووە و لەنزیک فڕۆکەخانەی ڕیگان کەوتووەتەخوارەوە.

هێڵی ئاسمانی ئەمریکاش بڕیاریدا بەمەبەستی بەردەوامی لێکۆڵینەوەکان لەسەر ئەو ڕووداوە، تا ڕۆژی هەینی بەکاتی ئەمریکا فڕۆکەخانەی ڕیگان بەڕوی گەشتەکاندا دابخات.

ئەوەی پێویستە بیزانیت: بەپێی زانیارییە سەرەتاییەکان، تا ئێستا توانراوە 19 تەرم لە شوێنی ڕووداوەکە دەربهێنرێت، لێکۆڵینەوەکانیش لە شوێنی ڕووداوەکە بەردەوامن.