هاوشێوەی ڕەحمی ژنان، لە ناو ڕۆبۆتەکان شوێنێک بۆ هەڵگرتنی کۆرپە دروست دەکرێت

 

ئاڤا نیوز

هەوڵە زانستیی و پزیشکییەکان خەریکە دەبنە ڕاستی بۆ دروستکردنی جۆرێک لەڕۆبۆت هاوشێوەی دایک کە توانای هەبێت بۆ ماوەی 9 مانگ کۆرپە هەڵبگرێت.

چیرۆکی سەرەکی: ڕۆژ بە ڕۆژ پێشکەوتنەکانی تەکنەلۆژیا داهێنانی نوێ لە ژیانی مرۆڤایەتی دێننە ئاراوە، دوایین پێشکەوتنەکانیش جۆرە ڕۆبۆتێکە کە کاری هەڵگرتنی کۆرپە دەبێت بۆ ماوەی 9 مانگ هاوشێوەی دایک.

لێدوانی فەرمی: سەرچاوەکان باس لەوەدەکەن، ئیلۆن ماسک ملیاردێری ئەمریکی لە ئێستادا سەرقاڵی دروستکردنی وەشانی نوێی ڕۆبۆتەکانە کە دەتوانێت منداڵ بۆ ماوەی 9 مانگ هەڵبگرێت لەکاتێکدا دایک دەچیتە سەر کار، هەردوو هاوسەر تەنها پێویستە سپێرم و هێلکەکان بهێنن، ئەوان ڕێگەی پێدەدەن لەناو ڕۆبۆتەکەدا گەشە بکات بۆ ماوەی 9 مانگ، بەڵام هێشتا ئەم بابەتەی ڕۆبۆتی ئیلۆن ماسک پشتڕاست نەکراوەتەوە.

زانیاریی زیاتر: ئەم داهێنانە، بە ڕەخساندنی ژینگەی سروشتی منداڵدان بۆ کۆرپە دەبێت لە نێو سکی ڕۆبۆتەکەدا، ئەم تەکنەلۆژیایە سوودی بۆ کۆرپە و دایکەکەش هەیە، کاتێک ئەو کەسانە مەترسی تەندروستیان لەسەرە، وەک بەرزبوونەوەی فشاری خوێن، لەدایکبوونی پێشوەختەش کەمدەکاتەوە. 

ئەوەی پێشبینی دەکرێت: هێنانەکایەی ئەم جۆرە تەکنەلۆژیایە پرسیاری ئاڵۆزی ئەخلاقی و کۆمەڵایەتی لەگەڵ خۆیدا دەهێنێت، لەوانە کاریگەریی لەسەر پەیوەندی نێوان دایک و منداڵ، ڕۆڵی ڕەگەزی و نۆرمەکانی کۆمەڵایەتی. هەروەها ڕۆڵی دەستڕاگەیشتنێکی یەکسان بۆ هەموو کەسێک، چونکە بەهۆی دۆخی ئابووری ڕەنگە ئەم تەکنەلۆژیایە بۆ ئەو کەسانەی کە سەرچاوەی داراییان سنووردارە، بەکارنەهێنرێت.