بۆ ڕاگرتنی شەڕی لوبنان ئیسرائیل چەند داواکارییەکی پێشکەش بە واشنتن کرد

ئاڤا نیوز 

 

چەند سەرچاوەیەک باس لەوە دەکەن ئیسرائیل بە مەرج ئامادەیە شەڕی لوبنان ڕابگرێت، بۆ ئەو مەبەستەش چەند داواکارییەکی پێشکەش بە واشنتن کردووە،

 

چی ڕوودەدات: زیاتر لە مانگێکە شەڕی نێوان ئیسرائیل و حیزبوڵڵای لوبنان درێژەی کێشاوە بەهۆیەوە دۆخی ڕۆژهەڵاتی ناوەڕاست نا سەقامگیرە، بەشیک لە وڵاتانیش داوا دەکەن ئاگربەست ڕابگەیەنرێت بەڵام ئیسرائیل چەند داواکارییەکی پێشکەش بە ئەمریکا کردووە. 

 

زانیاریی بەدەستهاتوو: ماڵپەری ئەکسیۆس لە زاری بەرپرسێکی ئەمریکیەوە بڵاویکردەوە، پێناچێت لوبنان و کۆمەڵگەی نێودەوڵەتیی بەم مەرجانەی ئیسرائیل ڕازی ببن. 

 

ئەوەی پێویستە بیزانیت: یەکێک داوکارییەکانی ئیسرائیل ئەوەیە کە هێزی ئاسمانی ئیسرائیل بە ئازادی لە ئاسمانی لوبنان کار بکات. 

 

لەلایەکی دیکەوە: ئەنتۆنی بلینکن، وەزیری دەرەوەی ئەمریکا، سەردانی ڕۆژهەڵاتی ناوەڕاست دەکات و بڕیارە ڕۆژی سێشەممە بگاتە ئیسرائیل.