تەندروستیی هەولێر ئامادەکاریییەکانی بۆ هەڵبژاردن ئاشکرا دەکات

ئاڤا نیوز

 

بەڕێوەبەرایەتی گشتیی تەندروستیی هەولێر ئامادەکارییەکانی بۆ ڕۆژی بەڕێوەچوونی پرۆسەی هەڵبژاردنی پەرلەمانی کوردستان ئاشکرا دەکات.

 

وێنە گەورەکە: ڕۆژی شەممە، بەڕێوەبەرایەتی گشتیی تەندروستیی هەولێر ئامادەکارییەکانی بۆ بەڕێوەچوونی پرۆسەی هەڵبژاردن لەڕیگەی ئاڤا نیوزەوە بڵاوکردەوە.

 

لێدوانی فەرمی: سامان سەلمان، بەرپرسی هۆبەی ڕاگەیاندنی تەندروستی هەولێر بە ئاڤا نیوزی ڕاگەیاند: بۆ پرۆسەی هەڵبژاردنی پەرلەمانی کوردستان، تیمی فریاگوزاری پزیشکی ئامادەکراوە و 35 ئامبوڵانس لە سەنتەری شاری هەولێر و دەوروبەری و سنووری قەزاکانی شەقڵاوە و خەبات جێگیر دەکرێن.

 

لەلایەکی دیکەوە: گوتەبێژی تەندروستی هەولێر گوتی: نەخۆشخانەی فریاکەوتنەکان لە ڕێگەی ئێشکگرییەوە 24 کاتژمێر کراوە دەبن، لەگەڵ سەنتەری هەماهەنگی فریاکەوتن 122 بەردەوام لەسەر هێڵ دەبن بۆ گەیاندنی تیمی پزیشکی بەهاناوەچوون بۆ هەر جارێکی لە ناکاو کە پێویستی بە تیمی پزیشکی هەبێت.

 

ئەمەش بزانە: جگە لە فریاگوزاری خێرا و فریاکەوتنەکان، سەنتەری بانکی خوێن بەشێوەی ئیشکگری بە بەرودەوامی کراوە دەبێت.