بەغدا 550 ملیار دینار بۆ مووچە خەرج دەکات

ئاڤا نیوز

وەزارەتی دارایی عێراق بڕی 550 ملیار دیناری بۆ مووچەی فەرمانبەرانی هەرێمی کوردستان خەرج کرد.
 
لێدوانی فەرمی: چرۆ حەمەشەریف، ئەندامی ئەنجوومەنی نوێنەرانی عێراق بە ئاڤا نیوزی گوت: وەزارەتی دارایی عێراق ئەمڕۆ سێشەممە بڕیاری خەرجکردنی نزیکەی  550 ملیار دیناری بۆ مووچەی مانگی حەوتی مووچەخۆرانی هەرێمی کوردستان دەرکردووە".

زانیاریی زیاتر: دوێنێ دووشەممە وەزارەتی دارایی عێراق بڕیاری خەرجکردنی 34 ملیار و 657 ملیۆنی بۆ فەرمانبەرانی گرێبەست خەرج کرد، هەفتەی ڕابردووش  بڕیاری خەرجکردنی یەک ملیار و 426 ملیۆنی وەک مووچەی دیوانی چاودێری دارایی  و دەستەی دەستپاکی و دەستەی ژینگە خەرج کردبوو.

لەلایەکی دیکەوە: دوێنێ دووشەممە شاخەوان عەبدوڵڵا، جێگری سەرۆکی پەرلەمانی عێراق لەبارەی مووچەی هێزە ئەمنییەکان ڕایگەیاند، قسەی لەگەڵ محەممەد شیاع سوودانی، سەرۆکوەزیرانی عێراق کردووە و بڕیاری داوە ئەم هەفتەیە مووچەی مانگی حەوت و هەفتەی داهاتوو مووچەی مانگی هەشت خەرج بکات.