گوتەبێژی حکومەت: ئەم هەفتەیە چەند کۆبوونەوەیەک لەبارەی مووچە دەکرێن

ئاڤا نیوز

 

گوتەبێژی حکومەت ئاشکرای دەکات، سەرۆکوەزیران بارزانی بۆ چارەسەرکردنی کێشەی مووچە لەسەر هێڵە و  ئەم هەفتەیە چەند کۆبوونەوەیەک لە ئاستی باڵا دەکرێن.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان،  لە کۆنگرەیەکی ڕۆژنامەوانیدا لەکاتی ڕاگەیاندنی چەند پرۆژەیەک لە پارێزگای هەڵەبجە لەبارەی مووچە ڕایگەیاند: "سەرجەم داواکارییەکانی وەزارەتی دارایی عێراق جێبەجێکراون، بەڵام بێ هۆکار زیاتر لە 50 ڕۆژە مووچەی خەڵکی کوردستان بەدیلگیراوە".

 
زانیاریی زیاتر: گوتەبێژی حکومەت ئاماژەی بۆ ئەوە کرد سەرۆکوەزیران مەسرور بارزانی بۆ چارەسەرکردنی کێشەی مووچە لەگەڵ بەغدا لەسەر هێڵە و ئەم هەفەتەیە ژمارەیەک کۆبوونەوە لەسەر ئاستی باڵا دەکرێن.

ئەوەی پێویستە بیزانیت: لەکاتێکدا ئەمڕۆ 25ی مانگی هەشتە، تاوەکو ئێستا وەزارەتی دارایی عێراق بە بیانووی جۆراوجۆر مووچەی مانگی حەوتی بۆ مووچەخۆرانی هەرێمی کوردستان نەناردووە و  زیاتر لە 50 ڕۆژە مووچە دابەش نەکراوە.