هەرێمی کوردستان گوژمەیەک پارە بۆ عێراق دەنێرێت

ئاڤا نیوز

 

هەرێمی کوردستان زیاتر لە 74 ملیار دینار  لە داهاتی ناوخۆی دەخاتە سەر هەژماری بانکیی وەزارەتی دارایی عێراق. 

 

وێنە گەورەکە: بەگوێرەی ڕێککەوتنی نێوان هەرێمی هەرێمی کوردستان و حکومەتی فیدراڵی، هەرێمی کوردستان مانگانە بەشێکی داهاتی نانەوتی بۆ عێراق دەنێرێت.

 

ڕاگەیێنراوی فەرمی: وەزارەتی دارایی و ئابووری هەرێمی كوردستان ڕایگەیاند: بڕی حەفتاو چوار ملیارو هەشت سەدو چل و چوار ملیۆن و پێنج سەدو سی و دوو هەزار دینار وەک پشکی گەنجینەی فیدراڵی لە داهاتی نانەوتی هەرێمی کوردستان بۆ مانگی نیسانی ساڵی 2024، لەلایەن بەڕێوەبەرایەتی گشتی ژمێرکاری وەزارەتی دارایی و ئابووری خرایە سەر هەژماری بانکی وەزارەتی دارایی حکومەتی فیدراڵی لە لقی هەولێری بانکی ناوەندی عێراق.                                                   

 

باکگراوند: ڕۆژی 30-06-2024، 70 ملیار و 131 ملیۆن و 250 هەزار دینار وەک پشکی گەنجینەی فیدراڵی لە داهاتی نانەوتی هەرێمی کوردستان بۆ مانگی سێی ساڵی 2024 خستە سەر هەژماری بانکی وەزارەتی دارایی عێراق.