سەرۆک بارزانی لە بەغدا سەرکردە ناکۆکەکانی سوننە ئاشت دەکاتەوە

ئاڤا نیوز

سەرۆک بارزانی بە ئامانجی لەیەک نزیککردنەوەی لایەنە سوننەکانی عێراق و ڕێککەوتنیان لەسەر بەربژێرێکی هاوبەش بۆ سەرۆکی ئەنجوومەنی نوێنەرانی عێراق، گەیشتە ماڵی خەمیس خەنجەر، محەممەد حەلبووسیش لەوێ ئامادەیە.

چیرۆکی سەرەکی: سەرۆک بارزانی لە ماڵی خەمیس خەنجەر، سەرۆکی هاوپەیمانیی سیادە لە بەغدا نانی نیوەڕۆ دەخوات و دواتر لەگەڵ سەرکردە سوننەکان کۆدەبێتەوە، محەممەد حەلبووسی، سەرۆکی هاوپەیمانیی تەقەدومیش لەوێ ئامادەیە کە دوو جەمسەری ناکۆکی سوننەکانن.

زانیاریی بەدەستهاتوو: ڕۆکان مەحموود، نێردراوی ئاڤا بۆ بەغدا گوتی، "لە کۆبوونەوەی سەرۆک بارزانی و  سەرکردە سوننەکان، پێداگری لەسەر لەسەر دیاریکردنی بەربژێرێکی هاوبەش بۆ سەرۆکی ئەنجوومەنی نوێنەرانی عێراق دەکرێت."

ئەوەی پێویستە بیزانیت: بەهۆی ناکۆکیی نێو ماڵی سوننە و پەرتەوازەیی پێکهاتەکانی دیکەی عێراق، نزیکەی هەشت مانگە لەدوای دوورخستنەوەی محەممەد حەلبووسی، پەرلەمانی عێراق نەیتوانیوە سەرۆکێکی نوێ هەڵبژێرێت.