تەنیا لە شەو و ڕۆژی عەرەفەدا 41 هاووڵاتیی غەززە کوژراون

ئاڤا نیوز

هاوکات لەگەڵ ئەوەدا هەموو وڵاتانی موسڵمان خۆیان بۆ جەژنی قوربان ئامادە دەکرد، هێرشەکانی سوپای ئیسرائیل بۆ سەر کەرتی غەززە بەردەوام بوون و بەم هۆیەشەوە دەیان کەس کوژران. 

ڕاگەیێنراوی فەرمی: وەزارەتی تەندرووستیی غەززە ڕایگەیاند: لە ماوەی 24 کاتژمێری ڕابردوودا 41 کەسی دیکە کوژراون. بەم پێیەش کۆی گشتیی قوربانیان لە سەرەتای شەڕەوە گەیشتووەتە37 هەزار و 337 كەس، 85 هەزار و 299 كەسیش بریندارن.

لە لایەکی دیکەوە: سەرلەبەیانیی یەکەم ڕۆژی جەژن سوپای ئیسرائیل "ڕاگرتنی کاتیی" شەڕی بە مەبەستی "تاکتیکی" ڕاگەیاند.

وێنە گەورەكە: لە حەوتی ئۆكتۆبەری ساڵی ڕابردووەوە شەڕ لە نێوان ئیسرائیل و حەماس لە غەززە بەردەوامە، سەڕەڕای هەوڵە نێودەوڵەتییەكان تائێستا ئاگربەستی یەكجاری ڕانەگەیێنراوە.