بانکی TBI دووەم کۆمەڵەکارتی بانکیی مووچەخۆران ڕادەستی تیمی هەژماری من دەکات

ئاڤا نیوز

 

ئەمڕۆ تیمێکی بانکی TBI سەردانی تیمی پڕۆژەی "هەژماری من" یان کرد و ژمارەیەک کارتی بانکیی مووچەخۆرانی هەرێمی کوردستانیان ڕادەستی تیمەکە کرد.

 

وێنە گەورەکە: پڕۆژەی "هەژماری من" وەک دەستپێشخەری حکومەتی هەرێمی کوردستان لە مانگی ئاداری 2023 لەلایەن سەرۆکوەزیران بارزانی ڕاگەیێنرا، ئەمەش لەپێناو بەئەلیکترۆنیکردنی سیستمی بانکی و مووچەی فەرمانبەران.

 

ڕاگەیێنراوی فەرمی: حکومەتی هەرێمی کوردستان ڕایگەیاند، ئەمڕۆ یەکشەممە لەلایەن بانکی  بازرگانیی عێراقی، دووەم کۆمەڵە کارتی بانکی ڕادەستی تیمی "هەژماری من" کراوە، بەبێ ئاماژەدان بە ژمارەی کارتەکان.

 

باکگراوند: تاوەکو ئێستا چوار لیستی فەرمانبەران کە داتای سێ هەزار و 917 فەرمانبەر لەخۆدەگرێت، ڕادەستی بانکی TBI کراوە، ڕۆژی 4-6-2024 بانکەکە یەکەم کۆمەڵە کارتی بانکی ڕادەستی تیمی هەژماری من کرد، ئەمڕۆ دەبێتە دووەم کۆمەڵە کە ڕادەستکراوە.