وەزیری ڕۆشنبیری و لاوان لەبارەی چێنەر & برادەران: سوپاس ئاڤا بۆ ئەو هەنگاوە جوانەتان

ئاڤا نیوز 

وەزیری ڕۆشنبیری و لاوانی هەرێمی کوردستان ستایشی ئاڤا دەکات بۆ کۆکردنەوەی گەنجان لە شەقامی ئیسکانی هەولێر بۆ سەیرکردنی یاریی کۆتایی چامپیۆنزلیگ و دەڵێت "سوپاس ئاڤا بۆ ئەو هەنگاوە جوانەتان". 

لێدوانی فەرمی: حەمەی حەمە سەعید، وەزیری ڕۆشنبیری و لاوان لەبارەی چێنەر & برادەران دەڵێت: سوپاس ئاڤا بۆ ئەو هەنگاوە جوانەتان، بۆ کۆکردنەوەی وەرزشدۆستان لە هەموو شارۆچکەکانی هەرێمی کوردستان و میوانداریکردنیان بۆ هەولێری پایتەخت، ئەم هەنگاوە دەچێتە بواری گرنگیدان بە وەرزشوانی و دەبێتە هۆی دوورخستنەوەی گەنجان لە کاری خراپەکاری دیاردە دزێوەکان، هیوادارین بە سەرکەوتوویی کارەکان کۆتاییان پێ بێت. 

 

وێنە گەورەکە: کاتژمێر 10:00ـی شەوی شەممە 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوە دەچێت، بۆ ئەم مەبەستە ئاڤا کەرنەڤاڵێکی وەرزشی لە شەقامی ئیسکانی شاری هەولێر ڕێکخستووە و سێ شاشەی گەورەی لە شەقامەکە داناوە، گەنجان لە سەرجەم شار و شارۆچکەکانی هەرێمی کوردستانەوە بۆ هەولێر دەهێنێت بەمەبەستی سەیرکردنی یارییەکە.