ئاوارە ئێزدییەکان بە مەرج دەگەڕێنەوە شوێنەکانیان

ئاڤا نیوز

ئاوارە ئێزدییەكان نیگەرانی گەڕانەوەیانن بۆ شوێنەکانی پێش 2014، مەرجیشیان هەیە بۆ گەڕانەوەیان.

وێنە گەورەکە: نیگەرانیی سەرەکیی ئێزدییەکان پەیوەست بە گەڕانەوەیان لە سەر بابەتی ئاسایش، خزمەتگوزارییە بنەڕەتییەکان و دادپەروەییە، ئەوان هەروەها نیگەرانن لەوەی کە دواکەوتنی بونیاتنانەوەی شنگال و جێبەجێنەکردنی ڕێککەوتنی شنگال کێشەی بۆ درووست بووە. 

ئەوەی پێویستە بیزانیت: سەرەڕای بڕیاری حکومەتی فیدراڵی بۆ داخستنی 23 کەمپی ئاوارەکان لە هەرێمی کوردستان، هێشتا ژمارەیەکیان لە کەمپەکاندا ماون و ئامادە نین بێ دابینکردنی ئاسایش و پێداویستییە بنەڕەتییەکان بۆ شوێنەکانیان بگەڕێنەوە. 

باکگراوند: دوای هێرشی داعش لە ساڵی 2014 ژمارەیەکی زۆر لە ئێزدییەکان ئاوارەی ناوچەکانی ژێر دەسەڵاتی هەرێمی کوردستان بوون و لە کەمپەکان مانەوە.