ژمارەیەک کامێرای چاودێری لە بازاڕی قەیسەری جێگیر دەکرێن

ئاڤا نیوز

 

خزمەتگوزارییەکی دیکە بۆ بازاڕی قەیسەریی هەولێر دابین دەکرێت و لەمەودوا لە ڕێگەی کامێرای جێگیرەوە چاودێریی بازاڕەکە دەکرێت.

 

وێنە گەورەکە: لە دیوانی پارێزگای هەولێر، کۆبوونەوەیەک لەبارەی ئاگرەکەی بازاڕی قەیسەری کرا و بڕیاری تووندوتۆڵکردنی ڕێکارەکانی چاودێریی بازاڕەکە بە کامێرای چاودێری درا.

 

لێدوانی فەرمی: نەبەز عەبدولحەمید، قایمقامی قەزای ناوەندیی هەولێر بە ئاڤا نیوزی گوت: "بە گوێرەی پێویست، پڕۆسەی جێگیرکردنی کامێرای چاودێری لە بازاڕی قەیسەری بەردەوامە و تاوەکو سەرەتای هەفتەی ئایندە، سەرجەم کامێراکان دەخرێنە کار".

 

باکگراوند: لە 05-05-2024 ئاگر لە بازاڕی قەیسەریی هەولێر کەوتەوە، بە هۆیەوە 227 دووکان و 5 کۆگا سووتان.