یەکێتی: لە دوو ڕۆژی داهاتوودا ناوی کاندیدەکانمان دیاری دەکەین

ئاڤا نیوز

 

یەکێتیی نیشتمانیی کوردستان سەرقاڵی ئامادەکردنی لیستەکەیەتی بۆ هەڵبژاردنی پەرلەمانی کوردستان، لە دوو ڕۆژی داهاتوودا پێشکەشی کۆمیسیۆنی دەکەن. 

 

چیرۆکی سەرەکی: ڕۆژی هەینی 15-03-2024 مەکتەبی سیاسیی یەكێتیی نیشتیمانیی كوردستان بە سەرۆکایەتیی بافڵ تاڵەبانی، بۆ قسەكردن لەسەر چەند پرسێكی ناوخۆی هەرێمی كوردستان و عێراق و ئامادەکارییەکان بۆ هەڵبژاردنی پەرلەمانی کوردستان کۆبووەوە.

 

لێدوانی فەرمی: سەعدی ئەحمەد پیرە، گوتەبێژی یەكێتیی نیشتیمانیی كوردستان ناوەڕۆکی کۆبوونەوەکەی ئاشکرا کرد و ئەمە بەشێک لە گوتەکانییەتی:

• بەشێکی لیستەكەمان ئامادەیە و لە دوو ڕۆژی دیكەدا تەواوی لیستەكە ئامادە دەبێت و ڕادەستی كۆمسیۆنی باڵای سەربەخۆی هەڵبژاردنەكانی عێراقی دەکەین.

• توركمان و كریستیانەكان لە ناو لیستی یەكێتیی نیشتیمانیی كوردستان پێگەیان هەیە و جێگەیان دەبێتەوە، هەر لیستێكی دیكە كە دروست دەكرێت، كاریگەری لەسەر دەنگەكانی یەكێتیی نیشتیمانی كوردستان نابێت.