سێ حیزب بۆ هەڵبژاردن هاوپەیمانێتی پێکدەهێنن

ئاڤا نیوز

 

سێ حیزبی کوردستان هاوپەیمانێتییەکیان بەناوی 'هەرێمی کوردستان' پێکهێناوە و بەشداری هەڵبژاردنی خولی شەشەمی پەرلەمانی کوردستان دەکەن.

 

بۆچی گرنگە؟ لەبەرئەوەی دەنگی ئەو حیزبانە سنووردارە و دەنگدەری کەمیان هەیە، لە سیستەمی چوار بازنەیی زیانیان بەردەکەوێت، بۆیە دەیانەوێت بە پێکهێنانی هاوپەیمانێتی، بە لایەنی کەمەوە نوێنەرێکیان لە خولی داهاتووی پەرلەمانی کوردستان هەبێت. 

 

لێدوانی فەرمی: محەممەد حاجی مەحموود سەرۆکایەتی هاوپەیمانێتییەکە دەکات و لە کۆنگرەیەکی ڕۆژنامەوانیدا گوتی: "ناوی هاوپەیمانێتییەکەمان هەرێمی کوردستانە و بەشداری لە هەڵبژاردن دەکەین".

 

زانیاریی زیاتر: هاوپەیمانێتییەکە پێکهاتووە لە حیزبی شیوعی کوردستان، حیزبی زەحمەتکێشانی کوردستان و پارتی سۆسیال دیموکراتی کوردستان.