ئۆتۆمبێلێک خۆی دەکات بە نێو قوتابخانەیەکدا و چەند کەسێک دەکوژێت

ئاڤا نیوز

لە ئەمریکا ئۆتۆمبێلێک خۆی دەکات بەنێو قوتابخانەیەکدا و چوار لە قوتابیانی قوتابخانەکە دەکوژێت و ژمارەیەکیش بریندار دەکات.

وێنە گەورەکە: لە شاری چاتهام لە ویلایەتی ئیلینۆی ئەمریکا لە یەکێک لە قوتابخانەکان، قوتابیان سەرقاڵ دەبن بە ڕێوڕەسم و کەمپینگ، لەو کاتەدا ئۆتۆمبێلێک خۆی دەکات بەنێو قوتابخانەکەدا و ژمارەیەک قوتابی دەشێڵێت.

ڕاگەیێنراوی فەرمی: پۆلیسی ئەمریکا ڕایگەیاند: لە ئەنجامی ڕووداوەکەدا 4 قوتابی گیانیان لەدەستداوە و ژمارەیەکیش بریندار بوون.

- ئۆتۆمبێلەکە سەرەتا لە دەرەوەی قوتابخانەکە چەند کەسێکی کردووە بە ژێرەوە دواتر تا نێو قوتابخانەکە نەوەستاوە، شۆفێرەکەش گەیێنراوەتە نەخۆشخانە و دوای چارەسەرکردنی لێکۆڵینەوەی لەگەڵدا دەکرێت، بەڵام تا ئێستا ڕوون نەبۆتەوە کە ڕووداوەکە بە مەبەست بووە یان نا.

لەلایەکی دیکەوە: جەی بی پریتزک، پارێزگاری ئیلینۆی لە تۆڕی کۆمەڵایەتی ئێکس نووسیویەتی، حکومەتی خۆجێی ویلایەتەکە چاودێری ڕووداوەکە دەکات.