نوخشە ناسح وەک پارێزگاری هەڵەبجە سوێندی یاسایی خوارد

 

ئاڤا نیوز

نوخشە ناسح وەک پارێزگاری هەڵەبجە لەبەردەم وەزیری ناوخۆ سوێندی یاسایی خوارد، لەمڕۆوە وەک پارێزگاری ئەو شارە دەستبەکار دەبێت.

چیرۆکی سەرەکی: دوای تێپەڕبوونی سێ مانگ بەسەر خانەنشینبوونی ئازاد تۆفیق، پارێزگاری پێشووی هەڵەبجە، لەچەند ڕۆژی ڕابردوو نوخشە ناسح، قایمقامی هەڵەبجە بە وەکالەت خرایە شوێنەکەی و ئەرکی پارێزگار ڕادەپەڕێنێت.

زانیاریی تایبەت: نوخشە ناسح بووە یەکەمین ئافرەت لە مێژووی هەرێمی کوردستاندا کە پۆستی پارێزگار بە وەکالەت وەردەگرێت، ئەمڕۆ لەبەردەم وەزیری ناوخۆ سوێندی یاسایی خوارد و  وەک پارێزگار دەستبەکار بوو.

ئەمەش بزانە: ئەنجوومەنی وەزیرانی هەرێمی کوردستان ڕۆژی پێنج شەممە 13ـی ئازاری 2025، ڕەزامەندی لەسەر دامەزراندنی نوخشە ناسح، قایمقامی ئێستای هەڵەبجە، وەک پارێزگاری نوێی هەڵەبجە بە وەکالەت دەربڕی.