ئەمریکا بۆ ئاڤا: حەماس بەرپرسیارێتی دەستپێکردنی جەنگی لە ئەستۆدایە

ئاڤا نیوز

وەزارەتی دەرەوەی ئەمریکا بە ئاڤای ڕاگەیاند، حەماس بەرپرسیارێتی تەواوەتی دەستپێکردنەوەی شەڕی لە ئەستۆدایە.

وێنە گەورەکە: دوای 57 ڕۆژ لە ڕاگرتنی شەڕ شەوی 18ـی ئەم مانگە، ئیسرائیل دەستی بە هێرشەکانی بۆسەر کەرتی غەززە کردەوە، هێرشەکان بە جۆرێک بوون لە چەند کاتژمێرێکی کەمدا سەدان هاووڵاتی کوژران و برینداربوون.

لێدوانی فەرمی: تامی تروس، وتەبێژی وەزارەتی دەرەوەی ئەمریکا بە ئاڤای ڕاگەیاند:

- حەماس بەرپرسیارێتی تەواوەتی دەستپێکردنەوەی شەڕی لە ئەستۆدایە. دەکرا هیچ کەسێک گیانلەدەست نەدات ئەگەر حەماس پێشنیازی ستیڤ ویتکۆف، نوێنەری تایبەتی سەرۆک ترەمپی قبووڵبکردایە کە ڕۆژی چوارشەممەی ڕابردوو پێشنیازی کردووە.

- حەماس ئەو ڕێککەوتنە دوادەخات کە لەبەردەمماندایە و فەلەستینییەکان ناچار دەکات تووشی لێکەوتەکانی ببن. 

- ئێمە بەردەوام دەبین لە پاڵپشتیکردنی ئیسرائیل و ئاشتی لە ناوچەکەدا.