زانیاریی نوێ لەبارەی ناردنی مووچەی مانگی یەک

ئاڤا نیوز

 

گفتوگۆکانی نێوان هەردوو شاندی باڵای هەرێمی کوردستان و وەزارەتی دارایی عێراق، لەبارەی پرسی مووچە و بودجە بەردەوامن، بەغدا بڕیاریداوە مووچەی مانگی یەکی هەرێمی کوردستان بنێرێت، بەڵام ناردنی پارەکە سێ ڕۆژی پێویستە. 

 

وێنە گەورەکە: ڕۆژی 30-1-2025،شاندێکی باڵای حکومەتی هەرێمی کوردستان بۆ یەکلاییکردنەوەی مووچەی مانگی یەک و پرسی بودجە سەردانی بەغدای کرد، سێ ڕۆژە لەگەڵ لایەنی عێراقی لە گفتوگۆدان، تاوەکو لەسەر ئەم بابەتانە و داواکارییەکانی بەغدا بگەنە ئەنجامی کۆتایی. ڕۆژی شەممە وەزیری دارایی عێراق ڕەزامەندیی لەسەر خەرجکردنی مووچەی مانگی یەک دا.

 

زانیاریی تایبەت: ئاڤا لە بانکی ناوەندی عێراقەوە زانیاریی دەستکەوتووە، کە بڕیارە ئەمڕۆ یەکشەممە بڕیاری تەمویلکردنی مووچەی مانگی یەک بدرێت، بەڵام ئەم پرۆسەیە نزیکەی سێ ڕۆژ دەخایەنێت، بۆیە وا چاوەڕوان دەکرێت پارەکە لە ناوەڕاست تاوەکو کۆتایی ئەم هەفتەیە بگات.