هەرێمی کوردستان دوو پێشنیاز بۆ مووچەی مانگی 12 دەکات

بزنس
6 کاتژمێر لەمەوپێش

شەیری بکە لە:

ئاڤا نیوز

هەرێمی کوردستان دوو پێشنیاز لەبارەی ناردنی مووچەی مانگی 12 دەداتە حکومەتی عێراق و داوا دەکات کە بڕە پارەیەک لە پشکی هەرێمی کوردستان لە بودجەی 2025 زیاد بکرێت یان بەغدا قەرزێک بدات بە هەرێمی کوردستان.

زانیاریی بەدەستهاتوو: ئاڤا زانیویەتی لەبارەی مووچەی مانگی 12 لە ڕۆژانی ڕابردوودا سوودانی بە شاندەکانی کوردستانی وتووە قسە و بڕیاری ئەو هەمان قسەی وەزارەتی دارایییە.

ئەوەی پێویستە بیزانیت: پێشتر وەزارەتی دارایی عێراق چەندجارێک بە ڕاگەیێنراو و ڕوونکردنەوە وتوویانە ساڵی 2024 تەواوی پارەی مووچەیان ناردووە و هیچی تر نانێرن.

لەلایەکی دیکەوە: حکومەتی هەرێمی کوردستان لە هەوڵەکانی بەردەوامە بۆ چارەسەرکردنی کێشەی مووچەی مانگی 12، کە لە مانگی سێ یان چواری ئەمساڵ چارەسەر بکرێت، بۆ ئەم مەبەستە دوو پێشنیاز دەداتە بەغدا، کە ئەمانەن:

- زیادکردنی بڕە پارەیەک لە پشکی هەرێمی کوردستان لە بودجەی 2025.
- وەرگرتنی قەرز لە بەغدا، هەروەها کار بۆ ئەوە دەکرێت تێکەڵ بە بابەتی دیکە نەکرێت.

ئەمەش بزانە: بڕیارە ئەم پێشنیازانە لە کۆبوونەوەی سبەی هەینی باس بکرێن، هەرچەندە سوودانی و وەزارەتی دارایی عێراق دەڵێن مووچەی مانگی 12 نانێرین، بەڵام حکومەتی هەرێمی کوردستان هێشتان بێ ئومێد نەبووە و هەر هەوڵ دەدات دابین بکرێت.