تێچووی گەشتی عومرە بەرز دەبێتەوە

ئاڤا نیوز

 

نرخی عومرە لە سەرەتای مانگی داهاتوو بەرز دەبێتەوە و 50 بۆ 75 دۆلاری بۆ هەر تاکێک دێتە سەر، هۆکارەکەشی دەگەڕێنرێتەوە بۆ "زۆربوونی خواستی عومرەکاران".

وێنە گەورەکە: کۆمپانیاکانی تایبەت بە حەج و عومرە لە هەرێمی کوردستان بە ڕێگەی وشکانی و ئاسمانی گەشت بە عومرەکاران دەکەن، ئێستا تێچووی گەشتی وشکانی بۆ هەر تاکێک 400 بۆ 450 دۆلارە و ڕێگەی ئاسمانی 850 بۆ 950 دۆلارە.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئایینی بە ئاڤای گوت، "لەگەڵ نزیکبوونەوەی مانگی ڕەمەزانی پیرۆز، خواستی موسڵمانان لەسەر عومرە زیاد دەبێت، بەمەش نرخی هۆتێل و گەشتکردن بەرز دەبێتەوە، بۆیە بڕێک پارە دێتە سەر ئەو بڕەی ئێستا تێچووی گەشتەکەیە.

 

ئەمەش بزانە: نرخی عومرەکردن بەگوێرەی خزمەتگوزارییەکان جیاوازە و وەزارەتی ئەوقاف لەگەڵ کۆمپانیاکان کار لەسەر هێشتنەوەی کوالێتی خزمەتگوزارییەکان بەبەرزی دەکاتەوە.