بەتۆمەتی گەڕان بەدوای شوێنەوار چەند کەسێک لەسنوری ئیدارەی ڕاپەڕین دەستگیر دەکرێن

 

ئاڤا نیوز


بە تۆمەتی گەڕان و پشکنین بەدوای پارچەی شوێنەوار، ئاسایشی ڕاپەڕین 11 کەس دەستگیر دەکات، کە سەرجەمیان خەڵکی ناوچەکەن.

چیرۆکی سەرەکی: شەوی 15 لەسەر 16ـی ئەم مانگە لەگوندی پاش کۆتەڵی سەر بەناحیەی سەرکەپکانی ئیدارەی ڕاپەڕین لەکاتی گەڕان بەدوای پارچەی شوێنەواریدا 11 کەس لەلایەن هێزەکانی ئاسیاشی ڕاپەڕینەوە دەستگیردەکرێن ، کە ئامێری تایبەتی دۆزینەوەی شوێنەواریان پێبووە. 

لێدوانی فەرمی: سەرچاوەیەک لە ئاسایشی ڕاپەڕین کە نەیوسیت ناوی ئاشکرا بکرێت بە ئاڤای ڕاگەیاند: بە پشتبەستن بەزانیاری پێشوەختە توانیویانە ئەو کەسانە دەستگیربکەن کە سەرقاڵی گەڕان و پشکنین بوون بۆ پارچەی شوێنەواری، ئەو سەرچاوەیە گوتیشی ئەو کەسانە تەمەنیان لەنێوان (25 بۆ 40) ساڵیدایە و بەپێێ مادەی 24ـی شوێنەوار ڕاگیراون، پەڕاوی لێکۆڵینەوەیان بۆکراوەتەوە .

باکگراوند: لەساڵی 2024  لەسنووری بەڕێوبەرایەتی ئاسایشی ڕاپەڕین 16 دۆسیەی تایبەت بە گەڕان بەدوای پارچەی شوێنەوار بۆ تۆمەتباران کراونەتەوە، لەم ساڵیشدا ئەم یەکەم دۆسیە بووە لەناوچەکە.