لە بازگەکانی عێراق ڕێگری لە هەناردەی بەرووبومی کێڵگە پەلەوەرییەکانی سلێمانی دەکرێت

ئاڤا نیوز

 

لەلایەن بازگەکانی عێراقەوە ڕێگری لە هەناردەی بەروبوومی کێڵگە پەلەوەرییەکانی سلێمانی دەکرێت، ئەمەش خاوەن کێڵگە پەلەوەرییەکانی تووشی زیانێکی زۆر کردووە و داوا دەکەن وەک هەولێر و دهۆک چارەسەرێکی خێرایان بۆ بدۆزرێتەوە.

 

لێدوانی فەرمی: شالاو جەمال، بەرێوەبەری کشتوکاڵی سلێمانی لەبارەی گرفتەکەوە دەڵێت، ڕێگریکردن لە هەناردەکردنی بەروبوومی کێڵگە پەلەوەرییەکانی سلێمانی بە تایبەتی هێلکە کاریگەری نەرێنی لەسەر بازاری شارەکانی ناوەراست و خوارووی عێراقیش دروست کردوە و ئەندامانی لیژنەی کشتوکاڵی ئەنجوومەنی نوێنەرانی عێراق بە هەماهەنگی وەزارەتی کشتوکاڵی هەرێمی کوردستان لە هەوڵدان بۆ چارەسەر کردنی کێشەکە.

 

زانیاریی زیاتر: لە پارێزگای سلێمانی  13 پڕۆژەی بەرهەمهێنانی هێلکە هەیە، لە ڕۆژێکدا زیاتر لە 5 هەزار کارتۆن هێلکە و بە تێکرا  و لە سالێکدا یەک ملیۆن و 800 هەزار کارتۆن هێلکە بەرهەمدەهێنن ، کە بەهای سەرجەم کێلگە پەلەوەرییەکان بە 150 ملیۆن دۆلار دەخەمڵێنرێت.