دانانی ئاڵای کوردستان لە ئینستاگرام قەدەغە نەکراوە

ئاڤا نیوز 

 

دانانی وێنە و ئاڵای کوردستان لە هیچ تۆڕێکی کۆمەڵایەتی و پێگەیەکی ئەلیکترۆنی قەدەغە نەکراوە و یاساکانی تایبەت بە تۆڕە کۆمەڵایەتییەکانیش ڕێگری لە ئاڵای کوردستان ناکەن.

 

داواکاری خەڵک: چەند هاونیشتمانییەک پەیوەندییان بە ئاڤا میدیاوە کردووە و دەڵێن: وێنە و ئاڵای کوردستانمان لە تۆڕی کۆمەڵایەتیی ئینستاگرام بڵاوکردووەتە و وێنەکە سڕاوەتەوە باس لەوە دەکەن، "دانانی ئاڵای کوردستان لە ئینستاگرام قەدەغەیە".

 

لێدوانی فەرمی: هیوا حەمید ئەفەندی، سەرۆکی فەرمانگەی تەکنەلۆجیای زانیاریی حکومەتی هەرێمی کوردستان بە ئاڤا میدیای ڕاگەیاند: هەندێکجار ئۆفیسی تۆڕە کۆمەڵایەتییەکان کە لە وڵاتانی دەورووبەرن، بەهۆی ڕیپۆرتی خەڵک یان گرووپەکانەوە کە بەشێوازی ڕێکخراو دەکرێنە سەر ئەو پۆست و بابەتانەی ئاڵای کوردستانیان تێدایە، وێنەکە دەسڕنەوە کە ئاڵای کوردستای تێیدا دەرکەوتووە.

 

زانیاریی زیاتر: لە نێو یاساکانی ئینستاگرامدا هیچ قەدەغەیەک لەسەر ئاڵای کوردستان نییە و هاونیشتمانییان دەتوانن ئەو وێنانە بڵاو بکەنەوە.