تیکتۆک لە ئەمریکا ڕووبەڕووی قەدەغەکردن دەبێتەوە

ئاڤا نیوز 

 

بەپێی بڕیارێکی دادگای باڵای ئەمریکا ئەگەر تاوەکو ڕۆژی یەکشەممە، تیکتۆک خاوەندارێتی بە کۆمپانیایەیەکی پەسندکراوی ئەمریکی نەفرۆشێت ئەوە تۆڕە کۆمەڵایەتییەکە لەو وڵاتە قەدەغە دەکرێت.

 

بۆچی گرنگە: ماوەیەکی زۆرە بەرپرسانی ئەمریکا دەیانەوێت تیکتۆک لە وڵاتەکە قەدەغە بکەن، بەهۆی ئەوەی پێیانوایە کە سیخوڕی بەسەر هاووڵاتییان دەکات و چین وەک سەکۆیەک بۆ دەستێوەردان لە هەڵبژاردنەکانی سەرۆکایەتی بەکاریدەهێنێت.

 

ڕاگەیێنراوی فەرمی: تیکتۆک تانەی لە بڕیارەکەی داگای باڵای ئەمریکا داوە و یاساکە بە پێشلکردنی ئازادی ڕادەربڕین ناو دەبات کە 170 ملیۆن بەکارهێنەری هەیە لەو وڵاتە. 

 

لەلایەکی دیکەوە: داگای باڵای ئەمریکا، تانەی کۆمپانیا چینیەکەی ڕەتکردووە، ئەپەکە ناچارکراوە کە کڕیارێکی پەسەندکراو بۆ وەشانی ئەمریکی ئەپەکەی بدۆزێتەوە یان ڕووبەڕووی سڕینەوە تیک تۆک لە فرۆشگای ئەلیکترۆنییەکانی ئەمریکا دەبێتەوە. 

 

باکگراوند: لە جیهاندا 1.7 ملیار بەکارهێنەری تیکتۆک هەیە و لە ئەمریکاش 170 ملیۆن بەکارهێنەری هەیە. بە گوێرەی لێدوانێکی پێشووی شو زی چیو، گوتەبێژی تیکتۆکیش بێت، ''قەدەغەکردنی تیک تۆک لە ئەمریکا، زیانی ئابووری بۆ وڵاتەکەش هەیە چونکە ساڵانە هاووڵاتییانی ئەمریکی لە ڕێگەی تیکتۆکەوە 24 ملیار دۆلاریان دەستدەکەوێت."