وادەی کۆبوونەوەی داهاتووی پارتی و یەکێتی ئاشکرا دەکرێت

ئاڤا نیوز

 

بەگوێرەی زانیارییەکان هەفتەی داهاتوو شاندی دانووستانکاری پارتی و یەکێتی کۆدەبنەوە و لیژنە هاوبەشەکانی هەردوولاش سەرقاڵی ئامادەکردنی ڕاپۆرتن لەبارەی پۆست و داواکارییەکان. 

 

وێنە گەورەکە: شاندی دانووستانکاری پارتی و یەکێتی تاوەکو ئێستا دووجار کۆبوونەوەیان کردووە، هاوکات شاندە تەکنیکییەکانی هەردوولاش بۆ ئامادەکردنی ڕەشنووسی گفتوگۆکانی پێکهێنانی کابینەی حکومەت دووجار کۆبوونەوەیان کردووە.

 

لێدوانی فەرمی: سەرچاوەیەکی باڵای یەکێتی نیشتمانی کوردستان، بە ئاڤا نیوزی ڕاگەیاند: بە ئەگەرێکی زۆرەوە هەفتەی داهاتوو کۆبوونەوەی شاندی دانوستانکاری پارتی و یەکێتی دەکرێت، بەڵام شوێن و ڕۆژی کۆبوونەوەکە دیاری نەکراوە.

 

زانیاریی زیاتر: لیژنە هاوبەشەکان زانیارییەکانیان لەبارەی پۆست و گۆڕانکارییەکان و داواکارییەکان و شێوازی پێکەوەکارکردن ئامادە کردووە، بەڵام یەکێتی نیگەرانی لە پێکهاتەی سەرۆکایەتیی پەرلەمان هەیە، پێیانوایە جێگر بە ئەندازەی پۆستەکەی و سکرتێریش بەهەمان شێوە مامەڵە ناکەن.