ڕاوێژکاری ئاسایشی نیشتمانیی ئەمریکا: هاوسەنگیی هێزە لە ڕۆژهەڵاتی ناوەڕاست گۆڕاوە

ئاڤا نیوز

 

جەیک سولیڤان، ڕاوێژکاری ئاسایشی نیشتیمانیی ئەمریکا بە سەردانێک گەیشتە تێلەڤیڤی پایتەختی ئیسرائیل و لەگەڵ بنیامین نەتانیاهۆ، سەرۆکوەزیرانی ئەو وڵاتە کۆبووەوە.

 

لێدوانی فەرمی: سولیڤان ڕایگەیاند، "دوای کۆبوونەوەکەی ئەو هەستەی لا درووست بووە کە نەتانیاهۆ بۆ ڕێککەوتن لەگەڵ حەماس سەبارەت بە ئاگربەست و ئازادکردنی بارمتەکان ئامادە بێت".

 

ڕاوێژکاری ئاسایشی نیشتمانیی ئەمریکا گوتیشی، هاوسەنگیی هێزە لە ڕۆژهەڵاتی ناوەڕاست گۆڕاوە و ئێستا ئیسرائیل بەهێزترە و ئێران لاوازتر بووە.

 
ئەمەش بزانە: دوای چواردە مانگ لە هێرشەکانی بۆ سەر کەرتی غەززە، ئیسرائیل نزیکەی 45 هەزار کەسی کوشتووە و زیاتر لە 100 هەزار کەسی دیکەشی بریندار کردووە. هاوکات تائێستاش هێرشەکان بەردەوامن.